“ПСЖ” кўз тиккан мураббий ва футболчилар номи ошкор қилинди

Жамоага дарвозабон, чап қанот ҳимоячиси, таянч ярим ҳимоячи, ҳужумчи ҳамда янги бош мураббий олиб келиниши мажбурий вазифа сифатида белгилаб қўйилди. 

“ПСЖ” бош мураббийлигига Антонио Конте (“Челси”), Маурисио Почеттино (“Тоттенхэм”) ҳамда “Барселона” собиқ устози Луис Энрикенинг номзоди ўрганиб чиқилмоқда. 

Дарвозабонлардан Тибо Куртуа (“Челси”), Давид Де Хеа (“Манчестер Юнайтед”) ёки Жанлуижи Доннарумма (“Милан”) ёзда Париж клубида пайдо бўлиб қолиши мумкин.

Таянч зонасига Нголо Канте (“Челси”) ёки Фабиньо (“Монако”), чап қанот ҳимоясига эса “Ювентус”дан Алекс Сандронинг номзоди кўриб чиқиляпти. 

Ёзда Эдинсон Кавани “ПСЖ”ни тарк этади. Клуб раҳбарияти унинг ўрнига Роберт Левандовски (“Бавария”) ёки Харри Кейн (“Тоттенхэм”)ни олиб келишга жиддий бел боғлаган. Раҳарият Неймарни олиб қолиб, унинг атрофида кучли жамоа шакллантиришни мақсад қилган.