Ўша пайтда аргентиналик мутахассис бошқарган «шпорлар» Антонио Конте қўл остидаги «кўклар»дан 7 очко ортда қолиб, иккинчи ўринни эгаллаганди (93 очко).
2022 йилда клуб Роман Абрамовичдан сотитиб олингандан сўнг, янги эгалари Тодд Боули ва Clearlake Capital Англия Футбол ассоциацияси (FA) қоидаларининг 74 та бузилиши, жумладан, 2011–2018 йиллардаги трансферлар вақтида норомиавий агентларга жами 47 миллион фунт стерлинг миқдоридаги яширин тўловлар ҳақида ўзлари хабар беришганди. «Челси» бу айбловларни тан олган.
"Биз Премьер-лигада ғолиб чиқишимиз керак эди, бу титулни бизга беришлари лозим эди. Агар бу рост бўлса, биз ўша йили чемпионликка тўла ҳақли эдик. Улар жазоланишдими, айбларини тан олишдими? Вассалом. Титул иккинчи ўринни эгаллаган жамоага насиб этиши керак эди.
Кимдир улар голлар уриб, ўйинларда ғалаба қозонганини айтиши мумкин. Хўп майли. Лекин мавсум бошида тенг бўлмаган шароитда бўлганимизни айтиш ҳам мутлақо адолатли бўлади. Эҳтимол, худди шу қоидаларга амал қилинганида, биз жамоани кучайтирадиган ёки кўпроқ гол уришга ёрдам берадиган ўйинчиларни сотиб олган бўлардик.
Мен заррача ҳам шубҳа қилмайман ва ҳақиқатни гапиришдан қўрқмайман. «Челси» мухлислари мендан ранжиши мумкин. Аммо «Тоттенхэм»да қоидаларни бузганимизда эди, мен ҳам худди шундай деган бўлардим: «Биз титулга лойиқ эмасмиз, чунки қоидаларни буздик».
Агар бир клублар қоидаларга амал қилиб, бошқалар бузса, ўйнаб бўлмайди. Қоидалар ҳамма учун бир хил бўлиши керак. Шундагина сизда энг яхши жамоани шакллантириш имконияти пайдо бўлади.
Мен «Челси» ёмон ўйнаган ёки Конте ажойиб бўлмаганини айтмаяпман. Мен буни даъво қилмаяпман. Сўзларим буриб юборилишини истамайман. Лекин агар қоидаларни бузган бўлсангиз — тамом, хайр: титулни бошқа жамоага бериш керак. Нима учун бу содир бўлмаганини билмайман. Бу чиқиб чиқиб шуни кўрсатадики, қоидаларни бузиш рағбатлантирилади ва қўллаб-қувватланади", — деди Почеттино Metro нашрига берган интервьюсида.
Маурисио 2014 йилнинг май ойидан 2019 йилнинг ноябрига қадар «Тоттенхэм»ни бошқарган, кейинчалик эса 2023/2024 йилги мавсумда «Челси»да ҳам ишлаган.
