Бу ҳақда Ироқ футбол федерацияси аъзоси Ғолиб Ал-Замели "Shafaq News" агентлигига маълум қилди. Номаълум сабабларга кўра Иброҳим Байеш, Муҳаннад Али, Ҳайдар Абдул-Карим, Али Ал-Ҳамади ва “Пахтакор” ҳимоячиси Заид Таҳсинга виза рад этилган.
Ал-Замелининг қўшимча қилишича, ташкилот ушбу масала бўйича тезкор ечим топиш умидида ФИФАга мурожаат қилади. Шунингдек, у мазкур футболчилар мамлакат миллий терма жамоасининг муҳим бўлаги эканини таъкидлаб ўтган.
