"Орзуим мени қанчалик узоққа олиб боришини тасаввур ҳам қила олмасдим. Бугун фақат фахр билан ортга назар ташлаб, шундай дея оламан: "Оиламга раҳмат". Жамоадошларимга раҳмат. Йўлимнинг ҳар бир босқичида мен билан бирга бўлган мухлисларга раҳмат. Ўзим билан миллионларнинг севгисини ва Мексика учун бор кучимни берганимга ишончни олиб кетяпман. Биз бошимиздан кечирган нарсаларни ҳеч ким биздан тортиб ололмайди. Ҳаммаси учун юракдан миннатдорчилик билдираман!" — деб ёзди Очоа ижтимоий тармоқлардаги саҳифаларида.
Клуб миқёсида Очоа 2005 йилги Клаусура турнирида "Америка" билан чемпионлик унвонини қўлга киритди, шунингдек, Льежнинг "Стандарт" сафида Бельгия кубогини ютиб олди.
Халқаро майдонда дарвозабон Мексика терма жамоасига КОНКАКАФ Олтин кубогининг олтита мусобақасида ғолиб чиқишга ёрдам берди ва Токио-2020 Олимпия ўйинларининг бронза медали совриндорига айланди.
