Ўзгача "Наполи" ҳақида

Биз тизимли футбол бошқаларини енгаётган даврда яшаяпмиз. Бунга қарши чиқаётган ва уни рад этаётган ягона клуб – бу "Реал". Бироқ қолган ҳамма, топ-лигаларнинг аксарият ўртамиёна клублари ҳам, тизимли футбол ва позицион ҳаракатлар деярли автоматлаштирилган ўйин қуришга уринмоқда. Ва ана энди "Реал"га "Наполи" қўшилгандек. 

Неаполликлар ҳимоячилари ўзаро узоқ вақт тўпни бир-бирларига ошириб ўтиришмайди. Бу замонавий футболда шахсан менинг асабимга тегадиган факторлардан бири – тўпни ўз майдонида қисқа паслар билан шунчаки сақлаб туриш. Ким ва Ррахмани имкон қадар тез ва вертикал ўйнайди. 

Ярим ҳимоячилар ҳам майдон марказидаги олди-қочди ҳаракатларни минималлаштиришади. Лоботка ва Ангисса тўпни ўзида сақлаб турган вақтда рақибларни алдашга, бир нечта рақиб эътиборини ўзига тортиш ва бу орқали кейинги ҳаракатда майдоннинг бошқа қисмида бўш қолган шеригини тўп билан таъминлашга ҳаракат қилади. Таъқиб остида қолганига қарамай ақлли ва кескинлаштирувчи узатма, ишонинг, бу жуда чиройли. 

Хвича ва Осимхенда кўпинча бўш ҳудуд ва бирга-бир вазият юзага келади. Бу оч кучукнинг олдига каттагина лахм гўштни ташлагандек гап. 

"Наполи" тез ва олдинга ҳаракат қилади. Аксарият ҳолатларда бу пала-партиш ўйин, ҳаракатлардек туюлади. Бироқ аслида бу ҳам режанинг бир қисми ва анча қийин ўйин услуби. Шунчаки у бошқа топ-клубларнинг позицион шахматидан кескин фарқ қилади. У романтик, тўсатдан "портловчи", қайсидир маънода қизиққон ва йўқотишлар талаб қиладиган, аммо барибир томошабоп футбол – худди чемпион Муҳаммад Алидек. 

Энг қизиғи, Спаллетти уни максимал равишда таркибида бор футболчиларга мослаштирган. У жамоага ўзи истаган футболни сингдиришга уринмаяпти. Футболчилар қандай ўйин истаётганини сезиб, уларнинг истагини қандай йўл билан умумлаштириш йўлини топиб, бунга имкон яратиб бермоқда. "Интер" кейинги икки йилда у шунчаки футболдан дам олмагани аниқ. Лучано миллионлаб ўйинларни қайта-қайта кўриб чиққан, дам олиб, хаёлларини бир жойга жамлаган – мана энди, ундан кейин, яратган санъат асарига баҳони мухлислар берса тўғрироқ бўлади.

Нозима Тўхтамирзаева таржимаси