"Манчестер Юнайтед" хавбеки Италия чемпиони сафига ўтишга қизиқиб қолди
21 ноя 2025 12:58
Янгиликлар

"Манчестер Юнайтед" хавбеки Италия чемпиони сафига ўтишга қизиқиб қолди

Италия чемпиони "Наполи" январь ойидаги трансфер ойнасида МЮ ярим ҳимоячиси Кобби Майнуни харид қилади.

"La Gazzetta dello Sport"нинг хабар беришича, "Наполи" 20 ёшли Майнуни қишки трансфер бозорида ярим ҳимояни кучайтириш ва бошқа ёш британиялик истеъдодларни сотиб олишдаги муваффақиятини давом эттириш учун идеал номзод сифатида кўрмоқда.

Италия чемпиони Майнуга у "Манчестер Юнайтед" асосий таркибида тушишни бошлагандан буён қизиқиб келади. Бироқ эҳтимолий трансферни амалга оширишда асосий омил — унинг собиқ жамоадошлари билан алоқаси.

Даниялик ҳужумчи Расмус Хойлунд ва Шотландия терма жамоаси аъзоси Скотт Мактоминей ҳозирда "Наполи"да ва англиялик ярим ҳимоячи Италияда собиқ МЮчилар билан бирлашишни истайди.

Ҳавола :

Манба : La Gazzetta dello Sport

Янгиликларни Телеграмда ўқинг!

Рейтинг: +3