Ўзбекистон терма жамоасига қарши ўйнаган хитойлик Премьер-лига клубига ўтди
04 июл 2017 14:18
Янгиликлар

Ўзбекистон терма жамоасига қарши ўйнаган хитойлик Премьер-лига клубига ўтди

Хитой терма жамоаси ва Голландиянинг "Витесс" ҳужумчиси Юнинг Жанг "Вест Бромвич" футболчисига айланди.

Бу ҳақда Англия Премьер-лигасининг расмий сайти хабар бермоқда. 20 ёшли форвард "Вест Бромвич" билан 2020 йилгача шартнома имзолади. У 2 йил давомида ижара асосида Бундеслигада "Вердер" шарафини ҳимоя қилади.

"Жанг икки йил давомида "Вердер"да ўйнайди. Унинг футболчи сифатида ўсиши биз учун муҳим" - дейди "Вест Бромвич" директори Ричард Гарлик.

Маълум бўлишича, инглиз клуби Хитойнинг икки компанияси билан шартнома имзолашга эришган. Унга кўра, "Palm" Хитойда инглиз клуби номи билан янги футбол шаҳарчаси қуради.

Эслатиб ўтамиз, "Вест Бромвич"нинг эгаси хитойлик Гуочуан Лаи.

Юнинг Жанг 11 октябрь куни ЖЧ-2018 саралаш учрашувлари доирасида Ўзбекистон терма жамоасига қарши "Бунёдкор" стадионида бўлиб ўтган баҳсда захирадан майдонга тушган эди.

Ҳавола :

Манба : Championat.asia

Янгиликларни Телеграмда ўқинг!

Рейтинг: +10