Осиё ўйинлари ғолиби 48 ёшга тўлди
28 янв 2017 13:32
Янгиликлар

Осиё ўйинлари ғолиби 48 ёшга тўлди

Бугун 28 январь санасида собиқ футболчи Рустам Дўрмоновнинг таваллуд аёми.

1969 йил Термиз шаҳрида туғилган Рустам Чоршанбиевич Дўрмонов футболчилик фаолиятини "Сурхон" клубида бошлаган. Кейинроқ "Нефтчи", "Пахтакор" ва "Навбаҳор" каби Ўзбекистоннинг кучли клублари шарафини ҳимоя қилган.

"Нефтчи" клуби сафида 4 марта Ўзбекистон чемпиони бўлган ва 2 бор Ўзбекистон кубогини қўлга киритган. 1993 йил Ўзбекистон чемпионатида 26та гол билан мавсум тўпурари бўлган.

Рустам Дўрмонов терма жамоа сафида 14та ўйин ўтказиб 2та гол урган. 1994 йил Ўзбекистон терма жамоаси таркибида Хиросимада ўтган Осиё ўйинлари ғолиби бўлган.

"Нефтчи" клуби раҳбарияти ва жамоа аъзолари Рустам Дўрмоновни бугунги туғилган куни билан муборакбод этади.

Ҳавола :

Манба : championat.asia

Янгиликларни Телеграмда ўқинг!

Рейтинг: +6