ОФК бу таклиф бўйича у билан маслаҳатлашимаганидан ва бундай муҳим масала ОФК оиласига тегишли ҳамда ўрнатилган бошқарув каналлари орқали уни кўриб чиқиш ва муҳокама қилиш имконияти берилмагунича кенг жамоатчиликка чиқиб кетганидан хафсаласи пир бўлди.
ОФК жаҳон футболи келажагини мустаҳкамлай оладиган инновацион ёндашувларни ўрганиш муҳимлигини тан олса-да, бундай миқёсдаги ва оқибатларга эга ташаббуслар яхши бошқарув, шаффофлик ва мазмунли маслаҳатлашув тамойилларига асосланиши керак. Ўйиннинг тижорий ва молиявий келажагини қайта шакллантириши мумкин бўлган қарорлар ҳар қандай таклиф тегишли қарор қабул қилувчи орган(лар)га киритилишидан олдин Конфедерациялар, Аъзо ассоциациялар ва бошқа манфаатдор томонлар билан кенг кўламли олдиндан ҳамкорлик қилишни талаб қилади.
ОФК барча манфаатдор томонларга таклифни, жумладан унинг бошқарув, ҳуқуқий, тижорий ва стратегик жиҳатларини тўлиқ баҳолаш учун етарли маълумот ва тегишли вақт берилиши керак деб қатъий ишонади. Бундай жараён ҳар қандай қарор жаҳон футбол ҳамжамиятининг жамоавий манфаатларини акс эттиришини ва ФИФАнинг бошқарув тузилмасига ишончни мустаҳкамлашини таъминлаш учун жуда муҳимдир.
Жаҳон футболининг олтита конфедерациясидан бири сифатида ОФК жаҳон футболининг узлуксиз ривожланишига содиқ қолади - дейилади расмий баёнотда.
