Учрашув Мадриддаги "Сивитас Метрополитано" стадионида бўлиб ўтди. Баҳсда Мигель Анхель Ортис Ариас бош ҳакам сифатида ишлади.
"Бу ҳакамда дербини бошқариш тажрибаси йўқ эди. У 41 ёшда. У фақат иккинчи даражали ўйинларни бошқарган. Ҳакамлар қўмитасини ушбу тайинлов билан табриклайман. Аммо жаноб Трухильода (VAR ҳаками) 'Реал' ўйинларида ишлаш тажрибаси бор. Кубокда, “Жирона” ва “Осасуна” билан ўйинларда ишлаган. У бой тажрибага эга", — деди Моуринью Marca нашрига.
Еттита ўйиндан сўнг "Атлетико" 16 очко тўплаб, Ла Лига турнир жадвалида иккинчи ўринни эгаллаб турибди. "Реал" эса 15 очко жамғариб, тўртинчи поғонада жойлашган.
Кейинги турда "матрасчилар" 10 октябрь куни "Алавес" билан куч синашишади, Жозе Моуринью шогирдлари эса шу куни "Вильярреал"га қарши майдонга тушишади.
