"Sky Sports" нашри хабарига кўра, ҳимоячилар Аксель Дисаси, Тосин Адарабиойо, форвардлар Николас Жексон ва Лиам Делап мустақил равишда шуғулланишмоқда. Уларнинг клубдаги келажаги ноаниқлигича қолмоқда.
Манба маълумотига кўра, вазият бир йил олдин академия инфратузилмасидан фойдаланишга мажбур бўлган вингер Раҳим Стерлинг билан боғлиқ ҳолатдан фарқ қилади. Хабар қилинишича, алоҳида гуруҳ "Челси"нинг бошқа ўйинчилари билан бир вақтда машғулот ўтказади ва клубнинг машғулот базасидаги худди ўша объектлардан фойдаланиши мумкин.
Ёзда ФИФА томонидан клубларга кераксиз ўйинчиларни ажратиб қўйишни амалда тақиқловчи янги қоидалар жорий этилганидан сўнг "Челси" вазиятни синчковлик билан назорат қилмоқда.
