Неймар: "ПСЖдаги давр мен учун энг зўри эди"

"ПСЖ сафида ўтказган йилларим, шубҳасиз, мен учун энг яхши давр эди. Бироқ баъзан менга жуда оғир эди, сабаби жиддий жароҳатлар олардим ва тикланиш жараёни уч, тўрт ёки олти ойгача чўзилиб кетарди. Бу мени қаттиқ ташвишга соларди, аммо спорт,, футбол жиҳатидан олса, ўша энг яхши Неймар эди. Шундай экан, Француз футболига шундай версиямни таклиф қила олганимдан хурсандман, бошқа томондан нимадир етишмайдигандек... Чунки менда тўлиқ мавсум бўлмаган, фақатгина 2020 йилда, биз Чемпионлар Лигаси финалига чиққанимизда мен кўпроқ ўйин ўтказа олгандим.

Ана ўша чиндан ажойиб йил бўлган. У лаҳзаларни ҳеч қачон унутмайман, улар юрагимда мангу қолади.

Биз клубни илк бор Чемпионлар Лигаси финалига олиб чиққанимизни унутмаслигимиз зарур. Афсус, мусобақада ғолиб бўла олмадик. Бироқ бу спортнинг, футболнинг бир қисми. Унда доим ҳам ютавермайсиз. ПСЖда мақсад бор эди - финалга чиқиш ва биз буни уддаладик. Клуб ҳали ҳам шу мақсадда ҳаракат қиляпти. Ҳа, мен "Барселона" билан зафар қучганман, лекин ПСЖ сафида ҳам буни уддалашни истагандим. Чемпионлар Лигаси — худди ЖЧни ютишдек гап".