Неаполдаги "Диего Армандо Марадона" стадионида кечган ўйинда Массимилиано Аллегри шогирдлари 1:0 ҳисобида ғалаба қозонишди. Учрашувни бош ҳакам Кевин Боначина бошқариб борди.
Еттинчи дақиқада "Болонья" ҳимоячиси Артюр Теат ҳисобни очган эди, бироқ VAR кўриб чиқилганидан кейин гол бекор қилинди. 66-дақиқада эса ярим ҳимоячи Станислав Лоботка неаполитанликларни олдинга олиб чиқди.
Шу тариқа, "Наполи" барча турнирлар доирасида "Комо" (1:2), "Интер" (2:3) ва "Арсенал"га (0:1) қарши ўйинлардан иборат учта мағлубиятдан иборат сериясига чек қўйди. Жамоа А Серия турнир жадвалида тўртта ўйиндан сўнг 6 очко билан тўққизинчи ўринда бормоқда. "Болонья" ҳисобида эса атиги битта очко бор ва жамоа 16-қаторни эгаллаб турибди.
