Модричга Туркиянинг иккинчи дивизион клуби қизиқиш билдирмоқда
12 апр 2024 00:23
Янгиликлар

Модричга Туркиянинг иккинчи дивизион клуби қизиқиш билдирмоқда

"Реал Мадрид" ярим ҳимоячиси Лука Модрич ёздам жамоани тарк этиши мумкин.

Хорватия терма жамоаси сардорининг амалдаги шартномаси ёзда ниҳоясига етади. Катта эҳтимол, 38 ёшли футболчини фаолиятини бошқа клубда давом эттиради.

Mundo Deportivo нашрининг хабарига кўра, ҳозирда Туркиянинг иккинчи дивизионидан иштирок этаётган, бироқ амалда Суперлига йўлланмасини нақд қилган "Эюспор" жамоаси таркибни сезиларли даражада кучайтирмоқчи. Шу боис, клуб раҳбарияти 2018 йилги жаҳон чемпионати финалчисини сафга қўшиб олмоқчи.

Хабарларга кўра, "Эюспор" менежерлари аллақачон Модрич учун таклиф тайёрлашга киришган.

Эслатиб ўтамиз, Модрич ўн икки йил давомида мадридликлар шарафини ҳимоя қилиб, "Олтин тўп" соҳибига айланди ҳамда беш марта Европа Чемпионлар лигасида ғолиб чиқди.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: +1