"Модрич трансфери". "Реал" навбатдаги юришни амалга оширди

Сўнгги вақтларда Италиянинг "Интер" жамоаси 32 ёшли футболчига жиддий қизиқиш билдирмоқда. Аммо мадридликлар Хорватия термаси сардори ва ЖЧ-2018 "Энг яхши футболчиси"ни қўйиб юбориш ниятида эмас. "Қироллик клуби" ва футболчи ўртасида имзоланган шартномада товон пули 750 миллион евро қилиб белгилаб қўйилган.

Ҳозир Модрич йилига 8 миллион евро ишлаб топади. "Реал" жамоанинг муҳим футболчиларидан бири бўлган Луканинг маошини оширишга тайёр ва яқин соатлар ичида янги шартнома футболчи ва унинг агентларига тақдим этилади.

Шунингдек, клуб раҳбарияти футболчи трансфери борасидаги турли миш-мишлар ва унинг агентлари ҳаракатидан норози. Уларнинг фикрича Модрич ўзи барчасига чек қўйиши мумкин.