Пакета "Вест Хэм"дан "Фламенго"га 42 миллион евро эвазига ўтди - бу Бразилия учун рекорд

Футболчи билан шартнома 2030 йил охиригача мўлжалланган. Футболчи "қизил-қоралар" сафида 20-рақам остида ҳаракат қилади.

Журналист Фабрицио Романонинг маълум қилишича, "Фламенго" Пакета трансфери учун 42 млн евро тўлаган, бу Бразилия учун рекорд сумма ҳисобланади.

Пакета - “қизил-қоралар” тарбияланувчиси. 2019 йилда ярим ҳимоячи "Фламенго"дан "Милан"га ўтди. Футболчи "Вест Хэм" сафида 2022 йилнинг ёзидан буён ўйнаб келмоқда. Бу вақт ичида у барча турнирларда 139 та ўйинда майдонга тушиб, 23 та гол урган ва 15 та голли узатмани амалга оширган. Transfermarkt порталида келтирилган маълумотларга кўра, футболчининг бозор нархи 35 млн еврони ташкил этади.