Модрич: "Футболда иложсиз нарсанинг ўзи йўқ, айниқса "Реал" учун"
14 ноя 2018 12:10
Янгиликлар

Модрич: "Футболда иложсиз нарсанинг ўзи йўқ, айниқса "Реал" учун"

"Реал" ярим ҳимоячиси Лука Модрич жамоанинг янги мавсумдаги омадсиз старти ҳақида фикр билдирди.

"Ўйинимизни янада кучайтиришни истаймиз, чунки мавсумни яхши бошлай олмадик. Аммо уни қандай якунлашимиз муҳим. Жамоамиз ҳар йили тўқнаш келадиган қийинчиликларни енгиб ўтмоқчимиз.

Биз курашаётган совринларни ютишга умид қиляпмиз, аммо биринчи навбатда ўйинимиз сифатини оширишимиз керак. Янги мураббий билан бизни яхши мавсум кутиб турибди.

Футболда иложсиз нарсанинг ўзи йўқ. Айниқса "Реал" учун. Иложи йўқ дейилган пайтда биз кетма-кет уч марта Чемпионлар лигаси ғолибига айландик. Буни тўртинчи марта ҳам амалга оширишимиз мумкин. Бунинг учун қўлимиздан келган барча ишни қиламиз" - дейди Модрич.

Ҳавола :

Манба : Goal.com

Янгиликларни Телеграмда ўқинг!

Рейтинг: +10