"Арсенал" янги ҳужумчи топди

21 ёшли футболчи Бельгия чемпионатининг жорий мавсумида 29 ўйинда 12 та гол уриб, тўпурарлар пойгасида етакчилик қилмоқда. 

Британия ОАВ маълумотига кўра, “канонирлар” италиялик илдизларга эга немис ҳужумчининг ўйинини диққат билан кузатмоқда.

Маълумки, инглиз гранди ёзги трансфер ойнасида ҳужум чизиғини кучайтиришни режалаштирмоқда ва "Брюгге" юлдузи асосий номзодлардан бири сифатида қаралмоқда.

Transfermarkt баҳосига кўра, Николо Тресольдининг бозор қиймати 13 млн еврони ташкил қилади. У жорий мавсум барча мусобақаларда 47 ўйинда 16 та гол урган ва 5 та ассист қайд этган.