Учрашувдан сўнг терма жамоа ҳимоячиси Алибек Давронов фикрлари билан ўртоқлашди.
"Ўйин яхши ўтди. Мураббийларнинг кўрсатмаларини тўғри бажардик. Эрон яхши ўрганилган эди. Бизни қўллаб-қувватлаган мухлисларга катта раҳмат айтиб қоламан",- дейди Алибек Давронов.
- Ҳисоб 1:0 бўлиб турган паллада одатда ҳисобни ушлашга ҳаракат қилинади ва бу кўп ҳолларда руҳий ҳолат билан боғлиқ бўлади. Бугун ҳисобда олдинга чиқиб олганимиздан сўнг қандай кўрсатмалар берилди?
- Гол урганимиздан сўнг ўзимизга ишончимиз ортди ва тўхтаб қолмадик. Ҳужум қилишда давом этдик.
- Ҳимоя чизиғи вакилларимиз хатосиз ҳаракат қилди. Ваҳоланки, Эрон сафида "Халл Сити"да ўйнайдиган ҳужумчи бор эди. Уларга қарши қандай тайёргарлик кўрилди?
- Ҳужумчиларини кўриб чиққан эдик. Мураббийлар уларнинг устунлик ва камчилик томонларини кўрсатиб беришганди.
