Миржамол Қосимов: "Ўтган мавсум давомида ҳам ҳеч ким бизни чемпионликка даъвогарлар сафида тилга олишмаганди"
29 апр 2025 11:49
Янгиликлар

Миржамол Қосимов: "Ўтган мавсум давомида ҳам ҳеч ким бизни чемпионликка даъвогарлар сафида тилга олишмаганди"

Суперлиганинг 7-туридан ўрин олган "Бунёдкор" – ОКМК (1:0) учрашувидан кейин меҳмонлар ярим ҳимоячиси Миржамол Қосимов ўз фикрлари билан ўртоқлашди.

"Ютишни билган жамоа ютқазишни ҳам билиши керак. Гувоҳи бўлганингиздек, ёмон ўйин бўлмади. Ҳаво ҳарорати ҳам ўйинга таъсир ўтказди. "Бунёдкор" бироз ўйин темпини туширишга ҳаракат қилди ва буни уддалади. Бугун ОКМК камбэк амалга оширилмаганининг сабабларидан бири шу, деб ўйлайман.

Жамоадаги муҳит жуда яхши. Йигитлар ҳар ўйинда шай ҳолатда бўлишади. Барча чемпионликни ўйлаяпти.

Ўтган мавсум давомида ҳам ҳеч ким бизни чемпионликка даъвогарлар сафида ҳисоблашмаётганди. Якунда ОКМК кумуш медалларни қўлга киритди. Аллоҳга шукур, биз ўз меҳнатимиз орқали ҳурмат қозондик деб ўйлайман", деди 29 ёшли футболчи.

Ҳавола :

Манба : championat.asia

Янгиликларни Телеграмда ўқинг!

Рейтинг: