Норвегия устидан 2:1 ҳисобидаги ғалабадан кейин Англия ярим финалга йўл олди ва энди Аргентинага қарши баҳс олиб боради.
"Жаҳон чемпионлигини қўлга киритган ҳар қандай жамоага омад ҳам кулиб боққан бўлади. Ҳеч бир чемпион "бизга омад керак бўлмади" деб айта олмайди.
Бизга ҳам айрим вазиятларда омад биз томонда бўлди ва бу бизга Аргентинага қарши ярим финалга чиқиш имконини берди.
1998 йил Францияда уларга пенальтилар сериясида ютқазганимизни яхши эслайман. Ўшанда аргентиналик футболчиларнинг хатти-ҳаракати ҳалигача ёдимда. Шунинг учун бу ўйинда ҳам алоҳида руҳий фон бўлади.
Мен Аргентинага қарши ўйиндан қўрқмаяпман. Менимча, биз уларни мағлуб эта оламиз. Аммо ҳозирги ўйинимиз билан Испания ёки Францияни енгиш қийин бўлади.
Англияда Жаҳон чемпионлигини қўлга киритишга қодир футболчилар бор. Лекин бунинг учун жамоа анча яхшироқ ўйнаши керак. Оддий вазиятларда ҳам хатоларга йўл қўймаслик лозим.
Ростини айтсам, Англиянинг Жаҳон чемпиони бўлишини кўраман деб ўйламаган эдим. Аммо ҳозир биз бу орзуга ҳар қачонгидан ҳам яқинмиз", - деди Мерсон.
Эслатиб ўтамиз, Англия ЖЧ–2026 ярим финалида Аргентинага қарши майдонга тушади. Ғолиб жамоа финалда Испания ёки Франция билан тўқнаш келади.
