Ўтган ҳафтада "шаҳарликлар" АПЛнинг молиявий қоидаларини бузиш бўйича деярли барча айбловлар бўйича айбдор деб топилгани ҳақида маълумот пайдо бўлди — фақат биттасидан ташқари. 2023 йилнинг февраль ойида АПЛ "Сити"ни 2009 йилдан 2018 йилгача бўлган даврда молиявий қоидаларнинг 115 та турли бузилишида айблаган эди. Кейинчалик The Times газетаси гап 115 та эмас, балки 130 та қоидабузарлик ҳақида кетаётганини хабар қилди: Премьер-лига эндигина айбловларни эълон қилганида, баъзи қоидалар бўйича чалкашлик юзага келган эди.
Кеча АПЛ клуб барча айбловлар бўйича айбдор деб топилганини маълум қилди.
— Мен шунчаки ҳайратдаман. Охирги бир неча йилда 115 та айблов ҳақида гапирилди, лекин шахсан ўзим улардан етти, сўккиз ёки тўққизтаси исботланади деб ўйлагандим.
Тоғрисини айтсам, бу кўнгилда нохуш из қолдиради. Биринчи навбатда, улардан барча трофейларни тортиб олиш керак. Ўйлашимча, бу энг биринчи қилиниши керак бўлган иш. Гап бизда ҳам эмас, балки 50, 60, 70 йилдан кейин фарзандларимиз, невара ва эвараларимиз "Манчестер Сити" қандай гегемонлик қилганига қарашганида, улар ["Сити"] нимададир айбдор бўлганини билишмайди.
Мен уларни иккинчи ўринни эгаллаганга бериш керак демаяпман, чунки, менингча, бу жуда кескин қарор бўлади, лекин ўйлашимча, уларни шунчаки бекор қилиш керак.
Улар бекор қилиниши керак, чунки "Сити" биз гапираётган ўша ҳаракатлар эвазига гегемонлик қилди. Агар сизда шунчалик катта устунлик бўлса — гап 830 миллион фунт ҳақида кетмоқда — футболда гегемонлик қилишингиз ҳайратланарли эмас, — деди Мерсон.
