Эслатиб ўтамиз, Мбаппеда 7 декабрь куни "Сельта"га қарши ўйиндан сўнг тиззасида муаммолар юзага келган ва ҳужумчи январь ҳамда февраль ойларидаги бир қатор учрашувларни ўтказиб юборган эди.
Аввалроқ француз журналисти Даниэль Риоло шундай деган эди: "Реал"да унинг нотўғри тиззасини текширишгани ҳақида гап-сўзлар юрибди. Буни бемаънилик деб ўйлайсизми? "Мадрид" тиббий штабни ишдан бўшатди. Килиан ёмонроқ оқибатлардан қутилиб қолди". Кейинчалик бу маълумотни бир қатор испан журналистлари ҳам тасдиқлашганди.
"Менинг нотўғри тиззамни текширишгани ҳақидаги маълумот ҳақиқатга тўғри келмайди. Эҳтимол, бунинг учун билвосита жавобгарлик менинг бўйнимдадир. Матбуот билан мулоқот бўлмаганда, ҳамма бундан фойдаланади, бу бизнинг ўйинимиз.
"Реал" билан алоқаларимиз доимо шаффоф бўлиб келган. Биз мавсумнинг муҳим палласини бошдан кечирмоқдамиз, мен жамоанинг ғалаба қозонишини хоҳлагандим ва бу амалга ошди. Январь ойи бошида жароҳат олганимда, ҳамма клубнинг ягона ечими мен деб ўйлаганди, лекин ундай эмас эди", – деди Мбаппе.
