Магуайр 4 та клуб таклифини рад этди
23 мар 17:22
Янгиликлар

Магуайр 4 та клуб таклифини рад этди

"Манчестер Юнайтед" марказий ҳимоячиси Ҳарри Магуайр кетиш ниятида эмас.

33 ёшли футболчининг "қизил иблислар" билан шартномаси мавсум охирида тугайди ва бир нечта клублар инглиз футболчисини эркин агент сифатида таркибга қўшиб олишга қизиқиш билдирди.

"TEAMtalk" нашрининг хабар беришича, Магуайр "Тоттенхэм", "Эвертон", "Сандерленд" ва "Вест Хэм"дан келган таклифларни рад этган. Футболчи МЮ билан битимни узайтиришга яқин.

Ҳарри Магуайр 2019 йилдан бери "қизил иблислар" сафида ўйнаб келмоқда. У ушбу мавсум 20 ўйинда 2 та гол урди ва 1 та голли узатмани амалга оширди.

Ҳавола :

Манба : TEAMtalk

Янгиликларни Телеграмда ўқинг!

Рейтинг: +1