"Локомотив"нинг мағлубиятсиз серияси 28та ўйинга етди
25 май 2016 13:18
Янгиликлар

"Локомотив"нинг мағлубиятсиз серияси 28та ўйинга етди

Кеча Тошкентнинг "Локомотив" клуби ОЧЛ 1/8 финалида "Ал Ҳилол" клубини қабул қилиб 2:1 ҳисобида зафар қучди.

Шундай қилиб, "темирйўлчилар"нинг мағлубиятсиз серияси давом эттирилди.

Жамоа расмий ўйинда сўнгги бор 2015 йил 12 сентябрь санасида мағлуб бўлган. Олий лига доирасидаги "Пахтакор"га қарши ўйин 1:2 ҳисобида тугаган.

Шундан кейин бўлиб ўтган 28та ўйиннинг ҳеч бирида "Локомотив" ютқазмади.

Ўтган йил олий лигада охирги 9та турда, Ўзбекистон кубоги ярим финали жавоб баҳсида "Насаф" билан учрашувда, бу йил олий лиганинг дастлабки 9та турида, ОЧЛ доирасидаги 8та ўйинда ва Ўзбекистон кубоги 1/8 финалида "УзДонгЖу" билан учрашувида "темирйўлчилар" жами 21та ғалаба ва 7та дуранг қайд этишди.

Эслатиб ўтамиз, "Локомотив" кейинги ўйинни 30 май куни Олий лига доирасида сафарда "Қўқон-1912"га қарши ўтказади.

Ҳавола :

Манба : championat.asia

Янгиликларни Телеграмда ўқинг!

Рейтинг: +8