“Локомотив” билан баҳс олдидан Стивен Жеррард соврин қабул қилиб олди

Жеррард шогирдлари ўтган ой чемпионат доирасида 6 ўйин ўтказиб, уларнинг 5тасида зафар қучди ва яна бир учрашувда муроса йўли танланди. Энг асосий муваффақият эса азалий рақиб “Селтик”ка қарши баҳсда (2:1) қайд этилди. 

Англиялик мутахассис мавсумда иккинчи бор (сентябрь билан бирга) ойнинг энг яхшиси сифатида эътироф этилди. 

Глазголиклар Шотландия Премьер-лигаси 21 туридан кейин 50 очко билан 2 ўринда боришмоқда. Битта кўп ўйин ўтказган пешқадам “Селтик”да эса 52 очко мавжуд.

Аввалроқ, Стивен Тошкентнинг “Локомотив” клубига қарши ўтказиладиган ўртоқлик учрашувини сабрсизлик билан кутаётгани ҳақида хабар берилганди. Бўлажак тўқнашув 11 январь куни Дубайдаги "Севенс" стадионида бўлиб ўтади.