"Локомотив" икки иқтидор билан шартномани узайтирди: Улар 2029 йилгача "темирйўлчи" бўлиб қолишади
07 янв 19:44
Янгиликлар

"Локомотив" икки иқтидор билан шартномани узайтирди: Улар 2029 йилгача "темирйўлчи" бўлиб қолишади

Тошкентнинг "Локомотив" клуби раҳбарияти жамоанинг энг истиқболли футболчилари ҳисобланган Шодиёр Шодибоев ва Озодбек Ўктамов билан амалдаги шартномани узайтиришга қарор қилди.

Янги имзоланган келишувга кўра, 19 ёшли ҳар икки футболчи 2029 йил якунига қадар "Локомотив" шарафини ҳимоя қилади. Бу билан клуб ўз иқтидорларини бошқа жамоаларга қўйиб юбормаслик ва улар атрофида янги жамоа шакллантириш ниятида эканини кўрсатди.

"Темирйўлчилар" матбуот хизмати ушбу трансферни "Улар яна тўрт йил биз билан бирга" шиори остида эълон қилди.