Микель Артета "Ливерпул"га қарши ўйин ҳақида: "Орамиздаги фарқ унча катта эмас, "Арсенал"нинг исботлайдиган нарсалари бор"

"Биз турнир жадвалида пешқадаммиз, ўз майдонимизда жуда кучли рақиб билан ўйнаяпмиз. Ўз ўрнимизни сақлаб қолишни хоҳлаймиз. Бунинг учун бутун ўйин давомида аъло даражада ҳаракат қилишимиз шарт. Бизнинг ўзимизни кўрсатадиган жиҳатларимиз бор.

Орамиздаги фарқ унча катта эмас. Биз доимо шу ҳақда гапирамиз. "Ливерпул"да ажойиб мураббий бор. Улар эртага асосий таркибда бўладиган ўйинчилар билан қандай ишлаш кераклиги ҳақида мукаммал тушунчага эга. Улар турли услубда ўйнашлари мумкин, бу эса биз эртага кутаётган нарсани бироз ўзгартириши мумкин. Шунинг учун буни англаб етишимиз ва ўз вазифаларимизга эътибор қаратишимиз лозим," деди Артета.