"Реал" ҳамон Килиан Мбаппенинг Испания Суперкубоги финалида қатнашиш эҳтимолини рад этмаяпти. Декабрь ойи охирида ҳужумчининг тизза бойлами чўзилганлиги аниқлангач, у жамоа билан бирга Саудия Арабистонидаги турнирга бормаган.
Бироқ, The Athletic хабар қилишича, "Реал" финалга чиқса, клуб Мбаппенинг Суперкубокда ўйнашини истисно қилмаяпти. Клубнинг икки физиотерапевти - Себастян Девильяс ва Гильермо Сурдо - яқин кунларда француз футболчининг тезроқ тикланиш имкониятларини ошириш учун у билан Мадридда қолишди.
"Реал Мадрид" пайшанба куни Испания Суперкубоги ярим финалида "Атлетико" билан ўйнайди. Турнир финали 11 январда ўтказилади.
