"Роналду "Ал Насср"да ҳеч қандай рол ўйнамаяпти ва унинг қишки трансфер ойнасида худди аввал Карим Бензема билан содир бўлгани каби клубни тарк этишини истисно қилмайман, лекин бу фақат унинг ўз хоҳиши билан содир бўлади. Роналду имкониятларини тугатган ўйинчига айланди ва "Ал Насср"га энди ҳеч нарса бера олмайди, шунинг учун у кетиши керак", — деди Аль-Сарами Al-Arabiya FM эфирида.
Роналду 2022 йилнинг декабридан буён "Ал Насср" сафида тўп суриб келмоқда. У бунга қадар "Спортинг", "Манчестер Юнайтед", "Реал" ва "Ювентус" клубларида ўйнаган. Португалиялик футболчи беш марта "Олтин тўп" ва Чемпионлар лигаси ғолиби бўлган, шунингдек, терма жамоаси билан Европа чемпиони ва Миллатлар лигасининг икки карра ғолибига айланган.
