Бу ҳақда Испания қироллик футбол федерацияси (RFEF) президенти Рафаэль Лусан маълум қилди.
"Биз келишув устидаги ишларни якунламоқдамиз, шунинг учун у яна бир неча йил биз билан бирга қолади. Биз тарихдаги энг яхши мураббийга эгамиз, натижаларнинг ўзи ҳар нарсадан сўзлаб турибди. Испан жамоатчилиги уни яхши кўради ва унга ҳайрат билан қарайди. Мен унга шартномани яхшиланган шартлар асосида узайтириш имкониятини таклиф қилдим, бу жуда мантиқий эди, чунки у энг кўп маош оладиган ўнта мураббий қаторига ҳам kирмас эди. Энди эса киради", — деди Лусан.
Marca нашрининг хабар беришича, де ла Фуэнте билан тузиладиган янги битим 2030 йилги жаҳон чемпионати охиригача мўлжалланган. Мураббийнинг амалдаги шартномаси Евро-2028 дан кейин якунига етиши керак эди.
Луис де ла Фуэнте Испания асосий терма жамоасини 2022 йилда бошқарган эди. Унинг қўл остида жамоа 2022/2023 йилги мавсум Миллатлар лигаси, Евро-2024 ғолиби бўлган ва 2026 йилда жаҳон чемпиони деган шарафга сазовор бўлган.
