Эсейса аэропортида футболчилар учун қизил йўлакча тўшалди, Патрисиос полки оркестри эса 2022 йилги Жаҳон чемпионатидаги ғолибликдан сўнг Аргентина терма жамоасининг рамзига айланган Muchachos қўшиғини ижро этди. Ҳал қилувчи ўйиндаги омадсизликка қарамай, миллий терма жамоа ҳақиқий чемпионлардек кутиб олинди.
Буэнос-Айрес кўчаларига миллий байроқларини кўтарган минглаб мухлислар чиқишди. Ишқибозлар турли ҳайқириқлар билан футболчиларни олқишлашди ва бутун турнир давомидаги матонатли ўйинлари учун миннатдорлик билдиришди.
Жамоанинг кўплаб ишқибозлари журналистларга финал натижаси уларнинг футболчиларга бўлган муносабатини ўзгартирмаганини тан олишди.
Эслатиб ўтамиз, Лионель Месси жамоаси кетма-кет иккинчи бор Жаҳон чемпионати финалигача етиб борди ва бу сафар қўшимча вақтда Испания терма жамоасига имкониятни бой берди.
