Буркина-Фасо терма жамоаси 12 соатлик парвоздан сўнг ўртоқлик ўйини (7:0) старт хуштаги чалинишига бир неча соат қолганда Аргентинага етиб келди. Бу ҳақда журналист Ромен Молина X ижтимоий тармоғида хабар берди. Манба маълумотига кўра, африкаликлар таркибида 13 нафар дебютант, жумладан нопрофессионал футболчилар бўлган.
Молина ҳар иккала мамлакат — Аргентина ва Буркина-Фасо футбол федерацияларини танқид остига олди. Унинг сўзларига кўра, аргентиналик мухлислар самолёт трапидан эндигина тушган ёш ва ҳаваскор ўйинчилардан иборат жамоани эмас, балки кучли африкача терма жамоани кўриш учун пул тўлашган.
Содир бўлган воқеа, унинг фикрича, иккала томоннинг мутасадди шахсларига нисбатан "жазолар ва истеъфолар"га олиб келиши керак. У бутун вазиятни "ташкилий хаос" деб атади. Якунда у шундай ёзди: " Мен бу ёш ўйинчиларга ачинаман. Бундай шароитда улар жаҳон вице-чемпионларига нимани қарама-қарши қўя олишади?".
