— Менга бу саволни кўп марта беришган. Фаолиятимнинг дастлабки ўн йилида мен Криштиануни танлардим. Аммо умумий манзарага қарайдиган бўлсак, шуни айтишим керакки, энг буюк футболчи — албатта энг яхши тўпурар ёки энг совриндор ўйинчи бўлиши шарт эмас, гарчи 2022 йилдан сўнг у, шубҳасиз, жуда муҳим соврин эгасига айланган бўлса-да, бу — Лионель Месси.
У жаҳон чемпионатида қилган ишлар, ҳозирда қилаётган нарсалари... Аммо бунгача ҳам у ўз ўйини билан одамларга қувонч бағишлаган. Ва бу бир йил эмас, деярли икки ўн йиллик давомида содир бўлди. Статистика ва унинг ўйинидан олинадиган завқ — мана шунинг учун мен Мессини танлайман, — деди Мюллер.
