- Ўйин ҳақида фикрингиз?
- Авваламбор қўлга киритилган ютуқ билан ғузорлик мухлисларни табриклайман ҳамда чиройли ўйин намойиш этган футболчиларимизга миннатдорчилик билдираман. Ўйинга келадиган бўлсак, рақибимиз "ТерДУ" охирги ўринни эгаллаб турган бўлса ҳам, ўйини бор. Яхши шаклланган жамоа, шунинг учун биринчи бўлимда эҳтиёт бўлиб ҳаракат қилдик. Иккинчи таймда эса эътиборни кўпроқ ҳужумга қаратдик ва бу услубимиз ўз натижасини берди.
- Бугун жамоангиз ҳаракатидан қониқдингизми? Берилган кўрсатмалар тўлиқ бажарилдими?
- Иккита ўйиндан бери жамоамиз гол ура бошлади. Буни оз бўлса-да олдинга силжиш деса бўлади. Бу нима дегани? Футболчилар ўз кучларига ишона бошлашяпти. Ҳа, қаердадир хатолар бўляпти. Бу кўпроқ шошилиш билан боғлиқ. Буни ўзгартиришга вақтимиз ҳам, имконимиз ҳам бор. Шундай ўйинларда биздан кўпроқ мотивация топиб бериш талаб қилинади. Чунки жамоамиз иккинчи ўринда боряпти, рақибимиз эса охирги ўринда.
- Ўйиндан олдин рақибни менсимаслик ҳолати кузатилдими?
- Футболчиларимиз бундай фикрга боришгани йўқ. Барибир ҳаммамиз инсонмиз, хаёлдан бир марта бўлса ҳам шундай ўй ўтади. Ўйинга руҳий томонлама тайёргарликда бу ҳолат озгина бўлса-да сезилиб турганди.
- Ўйин давомида кўрдикки, футболчилар узоқдан зарбаларни кўп марта йўллашди. Бу сиз томондан берилган кўсатмамиди ёки футболчиларнинг ўзига қўйиб берганмисиз?
- Бу футболнинг талаби. Ҳар бир ҳужум имкон қадар якун топиши керак. "Яйпан" билан баҳсда иккита голимиз узоқдан берилган зарба туфайли содир бўлди. Ўйинчиларимизнинг футболга бўлган муносабати ўзгариб боряпти. Бу эса бизни хурсанд қилмоқда.
