Исломбек Исмоилов: "Ҳар тур нохуш анъанага чек қўйяпмиз"
11 мар 00:21
Янгиликлар
Исломбек Исмоилов: "Ҳар тур нохуш анъанага чек қўйяпмиз"
- Аброр Исмоилов билан Муҳсин Убайдуллаев бир чизиқда ўйнаса шу чизиқ заиф кўриняпти. "Андижон" кўп марта шу чизиқдан ҳужумга ўтди. Бу борада фикрингиз қандай?
- Мен унақа деб ўйламайман. Бугун Аброр ҳам, Муҳсин ҳам жуда чиройли ўйин намойиш этди. Кўп вазиятларда Муҳсин Убайдуллаев бирга бир рақибга имкон қолдирмади. Аброр Исмоиловга келсак, у майдонда катта ҳажмли ишни бажаради ва прессинг, қарши ҳужумларга чиқишда 60-70 метр масофани бир ўзи босиб ўтяпти. Бу эса футболчидан кўп куч талаб қилади. Шу билан биргаликда ҳимояда ҳам кўп ёрдам беряпти. Албатта, рақибнинг ҳам ўз кучли томонлари бўлади. Масалан, Маҳамаджонов яхши футболчи эканини, унинг "Динамо"да қандай ўйин намойиш этганини биламиз. Пўлатхўжа Холдорхонов ҳам ёш, тезкор футболчилардан. Лекин бизнинг футболчилар бу ўйинчиларга имконият қолдиришмади.
- Самвел Бабаян журналистлар саволига жавобан расмий ўйинларда Исломбек Исмоиловга қарши ҳали тўқнаш келмаганман деб айтиб ўтди. Бунга ойдинлик киритсангиз?
- Тўғри, биринчи марта тўқнаш келдик. Фаолиятим давомида "Андижон" клубига ва мураббий Самвел Бабаянга қарши биринчи марта иштирок этдим.
- Беш кундан сўнг Суперкубок учун "Пахтакор"га қарши ўйин бўлади. Ижтимоий тармоқларда Икром Алибоев шу ўйинда майдонга қайтиши мумкинлиги ҳақида гапларга кўзимиз тушди. Унинг ҳолати ва умуман Суперкубок ҳақида айтиб ўтсангиз.
- Икром Алибоев ҳозирги пайтда жароҳатини тиклаш жараёнида. Хайрият ҳаммаси ортда қолди ва футболчи тез орада сафимизга қайтишидан умидвормиз. "Пахтакор" билан Суперкубок ўйинигача олдимизда беш кун вақт бор ва шу беш кун мобайнида футболчининг ҳолатини кузатамиз. Албатта, ким тайёр бўлса Суперкубок ўйинида майдонга тушади. Жамоамизда кайфият яхши, кучли рақибга қарши ўйнаймиз, биз ҳам максимал ҳаракат қиламиз. Ўйиндан ўйинга ўйинимиз сифати ошяпти, ўйлайманки, "Пахтакор"га қарши энг идел ўйинимизни намойиш этиб, бу йил ҳисобидан биринчи совринни қўлга киритамиз.
Ўхшаш янгиликлар
championat.asia
ЕЧЛ. "Реал Мадрид" Вальверденинг хет-триги эвазига "Манчестер Сити"ни мағлуб этди
Суперлига. "Навбаҳор" сафарда "Пахтакор"ни мағлуб этди
Суперлига. "Нефтчи" "Андижон"ни йирик ҳисобда мағлуб этди, Искандеров ўйинни ҳал қилди
ЕЧЛ. "Барселона" меҳмонда "Ньюкасл" билан дуранг ўйнади
Фикрлар
Хақиқатда мен биринчи таймда ўша қанотда томоша қилдим.
Ўнг қанотда чап қанотга караганда жуда кўп маротаба бўшлиқлар кузатилди.
Журналист тўғри савол берған...