Ислом Исмоилов: "Провокацияга учмасликни юз марта эмас, минг марта тушунтиргандик. Шу сабабли унга танбеҳ бердим. Ҳозир ҳаммаси яхши"

"Футболда бўладиган ҳолат. Алиев билан бўлган воқеани кўпчилик танқид қилмоқда. Биз биринчи навбатда ватан шаъни учун ўйнаяпмиз. Танқид қилаётганлар ҳам билсинки, биз бу ерда ўзбек халқининг ғурури, ор-номуси учун майдондамиз. Бундай ҳолатларда хато қилиш мумкин эмас. Сарсенбаев билан бўлган вазиятни футболчиларга мисол қилиб кўрсатганмиз, минг марта такрорлаганмиз. Ҳар қандай ҳолатда ҳам эмоцияни назорат қилишингиз керак деб қайта-қайта айтганмиз. Сариқ ва қизил карточкаларимиз ўзи кўп деб тушунтирганмиз. Йигитлар эса осонликча провокацияга учишди. Менинг жаҳлим чиққанига сабаб, биз бу нарсани юз марта эмас, минг марта тушунтиргандик. Шу нарсаларни эшитиб туриб, яна шу ишни қилди. Асилбекка керакли танбеҳни бердим, бу унинг фаолияти учун фойдали бўлади. Бунақа ҳолатда футболчи жамоасини қийин ҳолатга солиб қўйиши мумкин. Ечиниш хонасига кирганимиздан кейин мен Алиевга бир оғиз ҳам гапирмадим, қўллаб-қувватладим. Ўша ҳолатда ўзим учун тўғри иш қилдим деб ўйлайман. Бу йигитлар ёш бола эмас, улар профессионал футболга қадам қўйяпти. 17 ёшли йигитни ақли жойида бўлади. Шу вазиятда огоҳлантиришларга қарамай, бизни гапимизга қарши иш қилгани учун танбеҳ бердим. Асилбек билан ҳаммаси яхши, уни руҳини кўтариб қўйдик. Бу нормал ҳолат, ваҳима қиладиган нарса йўқ. Ҳеч ким, ҳеч кимдан ҳафа эмас", - дейди Ислом Исмоилов.