UZ

Сўнгги янгиликлар

21:20Футзал. Ўзбекистон эртага оқ либосда ўйнайди  1 21:04Olamsport: UFC расман 2023 йил учун илк жангни тасдиқлади, “Ўзбек шахматининг олтин авлоди” ва бошқа хабарлар  0 20:46Бразилияда уларни нима билан боқишяпти — "Сантос"нинг 13 ёшгача бўлган ўсмирлар жамоаси ғайриоддий гол урди  0 20:27Польшага қарши ўйинда Франциянинг 4 нафар футболчиси четлатилгани учун ўйин тўхтатилди  3 20:08TikTok юлдузи Роналдиньога ҳазил қилди, бу эса бразилиялик юлдузга ёқмади  5 19:54Лотин Америкаси рекордлари: тарихдаги энг қиммат бразилияликлар  2 19:50Киверга "Милан" ҳам қизиқиб қолди  0 19:32"Арсенал" "иккинчи Лука Модрич"ни жиддий кузатяпти  1 19:15Эртага футзал бўйича Осиё Кубогидаги юришини бошлайдиган Ўзбекистон термаси расмий машғулот ўтказди  6 19:04Ўзбекистон U-14 иккинчи ўртоқлик ўйинида Россия U-14 дан устун келди  7 18:54Муросасиз кечган баҳсда Ўзбекистон U-16 Эстония U-16 га мағлуб бўлди  4 18:31Матич "Рома"да автоматик тарзда яна бир йил қолиши мумкин  0 18:10"Ювентус" ҳолатини яхшилаш учун январда жиддий ишга киришади  0 17:53Жанубий Корея ОТЖ – Ўзбекистон ОТЖ ўртасидаги иккинчи учрашув ҳам дуранг билан якунланди  52 17:40Модрич: "Ҳақли ғалабага эришдик"  0

Интервью. Павел Могилевец — "Бунёдкор"нинг таклифи, Суперлигадаги дебют, Иброҳимҳалилнинг ўйини, Шомуродов ва Карпин ҳақида Янгиликлар

Интервью. Павел Могилевец — "Бунёдкор"нинг таклифи, Суперлигадаги дебют, Иброҳимҳалилнинг ўйини, Шомуродов ва Карпин ҳақида

"Бунёдкор" ёзги трансферлар ойнасида таркибига россиялик ярим ҳимоячи Павел Могилевецни қўшиб олди.

Фаолияти давомида “Зенит”, “Рубин”, “Ростов”, “Химки” ва “Нижний Новгород” клублари сафида Россия премьер лигасида жами 148 та учрашувда майдонга тушиб, жамоадошларининг 10 та голига ҳаммуаллифлик қилган бўлса, 4 марта ўзи рақиб посбонларини ранжитган. "Сўғдиёна"га қарши кечган учрашувда Суперлигадаги дебютини амалга оширган Павел сайтимизга дастлабки таассуротлари билан ўртоқлашди. 


- Павел "Бунёдкор"га ўтишингиз қай тариқа амалга ошди?

- Дастлаб кўрикка таклиф қилишди. Жамоанинг Минскдаги йиғинида иштирок этдим. Иккита учрашувда майдонга тушдим. Якунда шартнома имзоладик, тамом. Қисқача фикрим шу. 

- Чорлов айнан ким томонидан келиб тушди? Агентлар ёки бош мураббийнинг ўзи?

- Дўстим Ўзбекистонда анча йиллар олдин тўп тепганди. Унинг бу ердаги танишлари етарлича. Мураббий ва раҳбарият эса мен билан йиғинда танишди. 

- Клубдаги илк таассуротлар қандай?

- Таъкидлаш жоизки, клубдагилар мени яхши қабул қилишди. Мослашишимга кўмаклашишмоқда. Жамоадошларимга бунинг учун раҳмат айтиб қоламан. Умид қиламанки, кейинги ўйинларда ғалабалар қозонишни бошлаймиз. Бу кўп куттирмайди, деб ўйлайман. 

- "Сўғдиёна" билан ўйинда жамоа мағлубиятга учради. Мазкур баҳс сиз учун Суперлигадаги дебют бўлди. Хўш қандай фикрлар юзага келди?

- "Сўғдиёна"ни оддий рақиб, дея олмайман. Бежизга турнир жадвалида совринли ўринлар учун курашаётгани йўқ. Биз эса уларнинг кучли тарафларини зарарсизлантира олмадик. Дейлик қанотлардан узатмалар, қарши ҳужумларда улар жазолади. Хатоларимиздан фойдаланиб кетди, холос. Лекин ҳозирда катта куч билан навбатдаги ўйинларга тайёргарлик кўрмоқдамиз. Бизни мураккаб ҳафта кутиб турибди.  

- "Бунёдкор"нинг айни пайтда эгаллаб турган ўрнига қандай муносабатдасиз?

- Клуб аввалги йилларда қандай ўрин эгаллаганини кўриб чиқдим. Албатта, "Бунёдкор" турнир жадвалига ўзига муносиб ўринда эмас. Вазиятни ўзгартириш учун максимал даражада ҳаракат қиламиз. Бу йўлда жамоага бор кучим билан ёрдам беришга ҳаракат қиламан. 

- Деярли ярим йил жамоасиз эдингиз. Спорт формангизни қандай ушлаб турдингиз

- Тўғри. Шу боис бироз қийин бўляпти. Лекин интилишдан тўхтамайман. 

- "Пари НН" клубида Иброҳимҳалил Йўлдошев билан бирга тўп тепгансиз. Унинг сифатларига қандай баҳо берган бўлардингиз?

- У техник жиҳатдан кучли футболчи. Тезлиги ҳам зўр. Энг муҳими у ҳозирги ўйини билан тўхтаб қолмаслиги. Янада ўсиши керак. Кейинчалик нима бўлиши унинг ўзига боғлиқ. 

- Россия чемпионатида яна футболчиларимиз кўпаймоқда. Яқинда Хожимат Эркинов "Торпедо" сафига бориб қўшилди. Бу борада ўзини синаб кўриши мумкин бўлган футболчилар кўпроқ нимага эътибор қаратиши керак?

- Биласиз, Россияда кўпроқ кучга асосланган футбол намойиш этишади.  Ҳар бир чемпионатда бўлгани каби вақт зарур. Агар футболчи янада олдинга интилишни истаса, қўлидан келган барча ишни қилади ва қийинчиликларни енгиб ўтади. 

- Элдор Шомуродов "Ростов"да очилди. У сиз юқорида айтган тўсиқларни енгиб ўтишида Валерий Карпининг қанчалик ўрни бор?

- Албатта Шомуродовнинг Россияда муваффақиятли ўйнаб кетиши қайсидир маънода Валерий Карпинга боғлиқ. У "Ростов"да ўйнаётган пайтда мен ҳам шу жамоада эдим. Муваффақиятларининг бир қисми сифатида мураббийнинг унга бўлган ишончини айтмоқчиман. Иккинчидан у машғулотларда астойдил ишларди. Карпиннинг талабларини диққат билан эшитиб бажарган. Бу борада у шунчаки молодец. 


Обуна бўлинг: Интервьюлар олами

Муаллиф : Iskandarov Abdulaziz
Рейтинг: +6   

Фикрлар

+1   
08 авг 21:09:14
Ўғлон
Бир нарсага тушунмайманда Қўзивой! Бунёдкорда пул йўқ, молиявий қийинчиликлар бор дейишадику, лекин легионер футболчилар, чет элдаги машғулотлар учун пулни қайердан олишаркин? Чунки, легионер оз пулга келмаса керак. Омадини берсин, аммо одамни ўйлантирадиган масала...
   
09 авг 00:11:38
UZB-Абу-Даби
Ўғлон фойдаланувчининг фикрига жавоб бериш
Аввалги эгаси Одилбой бошқа жамоа тузиб янгидан қурмоқчи
Йўқ шу Одилбойни қайтди деб эштдим
   
08 авг 23:32:23
Davronbek Beshariq
786 фойдаланувчининг фикрига жавоб бериш
Пул ювишнинг Энг оддий усули-бу лиганерларни олиб келиш
Тугри. Булиши муикин...
   
08 авг 23:31:17
Davronbek Beshariq
786 фойдаланувчининг фикрига жавоб бериш
Пул ювишнинг Энг оддий усули-бу лиганерларни олиб келиш
Тугри. Булиши муикин...
   
08 авг 22:21:44
Ўғлон
UZB-Абу-Даби фойдаланувчининг фикрига жавоб бериш
Аввалги эгаси қайтди деб эшитгандим
Аввалги эгаси Одилбой бошқа жамоа тузиб янгидан қурмоқчи
   
08 авг 22:02:51
UZB-Абу-Даби
Ўғлон фойдаланувчининг фикрига жавоб бериш
Бир нарсага тушунмайманда Қўзивой! Бунёдкорда пул йўқ, молиявий қийинчиликлар бор дейишадику, лекин легионер футболчилар, чет элдаги машғулотлар учун пулни қайердан олишаркин? Чунки, легионер оз пулга келмаса керак. Омадини берсин, аммо одамни ўйлантирадиган масала...
Аввалги эгаси қайтди деб эшитгандим
   
08 авг 21:57:32
786
Ўғлон фойдаланувчининг фикрига жавоб бериш
Бир нарсага тушунмайманда Қўзивой! Бунёдкорда пул йўқ, молиявий қийинчиликлар бор дейишадику, лекин легионер футболчилар, чет элдаги машғулотлар учун пулни қайердан олишаркин? Чунки, легионер оз пулга келмаса керак. Омадини берсин, аммо одамни ўйлантирадиган масала...
Пул ювишнинг Энг оддий усули-бу лиганерларни олиб келиш
championat.asia
< сўнгги янгиликларни кўриш
Яндекс.Метрика