Игорь Сергеев: "Мен ҳам ҳар бир ўйинда гол уришни жуда хоҳлайман"

"Ўйин қийин бўлди. Иорданияга қарши баҳс ўртоқлик мақомида бўлгани учун тактика ҳам янги эди, таркибда ўзгаришлар ҳам кўп бўлди. Мураббийлар қаерда хато қилганимизни тушунтириб беришади. Энг асосийси ғалаба қозондик", - дейди Сергеев. 

- Голдан сўнг мухлислар томон югурдингиз...
- Голсиз сериям жуда чўзилиб кетганди. Мен ҳужумчиман, мухлислар мендан доим гол кутишади. Мен ҳам ҳар бир ўйинда гол уришни жуда хоҳлайман, барчадан кўра кўпроқ истайман. Аммо баъзида омад келмайди, баъзида ўзимда айб бўлади. Мухлисларнинг танқидларига тайёрман, лекин ҳақорат қилишса бунга ҳеч ким чидай олмаса керак. Олдинги омадсизликлар учун улардан узр сўрайман.

- Кўплаб мухлислар агар Сергеев Жанубий Кореяга гол урса ва биз ғолиб бўлсак барчасини кечиришларини айтишмоқда.
- Кўрдингиз бугун омадим келди ва гол урдим. Худо хоҳласа Жанубий Кореяда ҳам гол уришга уринаман. Ғалабани терма жамоамиздаги барча хоҳламоқда. Насиб қилса юртимизга ғалаба билан қайтамиз.

Нарзулла Сайдуллаев