26 ёшли британиялик пойгачи лондонликларнинг 27 ёшли ярим ҳимоячиси Деклан Райснинг Инстаграмдаги тарихини (story) ўз саҳифасига репост қилди.
Норрис ушбу суратга: "Табриклайман, ака! Чемпионлар", - дея изоҳ қолдирган.
Эслатиб ўтамиз, шу йилнинг май ойи бошида Деклан Райс Формула-1 жамоасининг қароргоҳига ташриф буюрган ва пойгачи билан яқиндан дўстлашиб олган эди. Ушбу учрашув "Арсенал" клуби томонидан суратга олинаётган "Raising The Bar" сериалининг иккинчи қисми доирасида ташкил этилган. Ўшанда Райс Формула-1 симулятори рулига ўтириб, ўзини синаб ҳам кўрганди.
Қизиғи шундаки, Ландо Норриснинг ўзи АПЛда "Манчестер Юнайтед" жамоасига мухлислик қилишини аввалроқ тан олган.
Маълумот учун, Микель Артета бошчилигидаги "Арсенал" "Манчестер Сити"нинг "Борнмут" билан дурангидан сўнг, мавсум тугашига бир тур қолганда расман чемпионликни нақд қилди. Бу лондонликлар учун сўнгги 22 йил ичидаги илк АПЛ чемпионлиги бўлди.
