– Бугунги ўйин ҳақида ўзингизнинг фикрларингизни ўртоқлашсангиз.
– Қийин ўйин бўлди. Ҳар бир ўйин қийин бўляпти биз учун. Йигитлар ҳаракат қилди. Ўйлайманки, яхши, сифатли эпизодлар бўлди, яхши ҳам ўйнадик. Лекин хато-камчиликларимиз кўп, уларни тўғрилашимиз керак. Ўйиндан ўйинга кучайиб боришимиз керак, деб ўйлайман. Сифатли ўйин талаб қиляпмиз, бу – яхши, лекин сифат билан бирга натижа ҳам бўлиши керак.
– Ўтган мавсум еттинчи турда, худди мана шундай пайтда жамоангиз биринчи ўринда эди. Ҳозир эса еттинчи ўринда, адашмасам. Бу нима билан боғлиқ? Жамоанинг кучсизлангани биланми ёки Пролига кучайдими?
– Жамоамизнинг асосий ўйинчилари кетишган, уларга омад тилаймиз. Ўйлашимча, бунга озгина вақт керак. Про лига ўтган йилгидан кўра бу йил фарқ қилади, чунки жорий йилда жамоалар сони кўп, кучли жамоалар сони кўп, яхши жамоалар бор. Мен ўйлайманки, чемпионат ҳали узоқ давом этади. Бизда имкониятлар ҳали етарлича. Ўша йўқотилган очколарни кейинги ўйинларда аста-секин қўлга киритамиз.
– Бугунги ўйинда жамоа икки очко йўқотдими ёки бир очкога эга чиқдими?
– "Икки очко йўқотди" десак бўлади, чунки биз ғалаба учун ўйнагандик. Кўрганингиздай, дуранг бўлди. Лекин ўйин шуни кўрсатиб бердики, дуранг иккала жамоанинг ҳаракатларига ҳам мос натижа бўлди, деб ўйлайман.
