Факт. Хитой тўртта ўйиндан буён юта олмаяпти

Рақибимиз кеча 3-турни ўз уйида Сурияга қарши ўтказиб 0:1 ҳисобида ютқазиб қўйди. Шу тариқа, хитойликларнинг ғалабасиз серияси тўртта ўйинга етди.

Гао Хангбо шогирдлари сўнгги бор 3 июль куни Тринидад ва Тобаго жамоасига қарши ўртоқлик учрашувида ғалаба қозонишган эди - 4:2.

7 июлда Қозоғистон билан ўртоқлик учрашувида Хитой 0:1 ҳисобида ютқазган.

ЖЧ-2018 саралаши 3-босқичи доирасидаги дастлабки учта ўйинда ҳам чин юрти вакиллари зафар қуча олишмади: Жанубий Корея (2:3) ва Сурия (0:1) билан мағлубият, Эрон билан баҳсда дуранг (0:0) қайд этилди.

Эслатиб ўтамиз, Ўзбекистон терма жамоаси расмий ўйинлардаги 9 ўйинлик ғалабали сериясига Эрон чек қўйди.

Ўзбекистон ва Хитой ўртасидаги ўйин 11 октябрь куни соат 18:00да "Бунёдкор" стадионида бошланади.