Улар орасида қуйидаги савол ҳам бор эди.
- 17 июнь санасида, Мехикода Жаҳон чемпионатида дебют қиламиз. Бу кўплаб терма жамоадаги футболчиларнинг фаолиятидаги энг муҳим ўйин бўлади. Тўғри, Шомуродов ва Ҳусанов каби топ чемпионатларда ўйнаган йигитлар бор, аммо бутун таркиб эмас. Жаҳон чемпионати тажрибаси ҳеч кимда йўқ. Тўрт маротаба Жаҳон чемпионатида иштирок этган инсон сифатида, ўша куни футболчиларга нималар дейсиз? Улар босимни енгиб ўтишлари учун нималар қилишлари керак? Ахир бу мундиал...
- Жаҳон чемпионати – бу Жаҳон чемпионатидир. “Манчестер Сити”да ўйнашингиз ёки бошқа кўплаб йирик мусобақаларда қатнашишингиздан қатъий назар, Жаҳон чемпионати барибир Жаҳон чемпионати бўлиб қолади. Мен мундиалдаги илк ўйинимни 24 ёшимда Чилига қарши ўтказганман. Ўшанда А Серияда беш мавсум ўйнаб, катта тажриба орттирган эдим. Аммо ўша ўйин олдидан ҳис қилган туйғуларим бутунлай ўзгача эди ва тарифлаб бўлмас эди. Бошдан кечирган босимим эса ақлбовар қилмас даражада кучли эди. Нега дейсизми? Чунки ортингизда бутун мамлакат турганини, сизни қўллаб-қувватлаётганини ва бутун дунё нигоҳи сизга қаратилганини ҳис қиласиз. Лекин менинг вазифам – буни ўйинчиларимга тушунтириш ва уларни ўша босимдан халос қилишга уриниш.
Нега? Чунки улар Жаҳон чемпионатига бораётганимизни ва ундан завқ олишимиз кераклигини тушунишлари лозим. Зеро, агар у ерга “ютишимиз шарт” деган босим билан борсак, ундан завқ ололмаймиз. Биз одамларга нималарга қодир эканимизни кўрсатишимиз керак. Мен ўйинчиларимга босим ўтказишни истамайман, чунки ташқаридан бўладиган босимнинг ўзи шундоқ ҳам ҳаддан ташқари кучли бўлади.
Бу туйғу... Лука Тони каби ўйинчиларни тасаввур қилинг. У жуда яхши футболчи эди – 2006 йилда деярли ҳар ўйинда гол урарди. Ёдимда, Гана билан ўйиндан олдин у ёнимга келиб: “Эшит, Фабио, шу пайтгача бунга қандай чидаб келганингни билмайман-у, лекин мен ўта кучли босим ҳис қиляпман”, – деган эди. Мен эса “Тинчлан, ва завқ ол” дегандим. Бундан чиқариладиган хулоса шуки, бундан завқланинг, чунки бу – Жаҳон чемпионати. Асосий иш мусобақагача қилинади. Жаҳон чемпионатига келгач эса, ундан лаззатланиш керак, чунки мен ғолиб бўла олмаслигимизни биламан. Шунинг учун биз ўзимиз билган футболни ўйнашимиз керак. Майдонга тушиб, оила аъзоларимиз билан кўчада ўйнагандек футбол ўйнашга ҳаракат қилишимиз керак. Фақат шундагина биз яхши натижа кўрсата оламиз.
"ЖЧ-2026'ни Allplay'да томоша қилинг — CANNAVARO промокоди билан 45 кун бепул"
Промокодни фаоллаштириш ҲАВОЛАСИ
