Элдор Шомуродов нега айнан "Истанбул Башакшеҳир"ни танлади?

Подкаст муаллифларидан бири Нодирхўжа Юлдашев тажрибали ҳужумчидан Европадан Евросиёга кўчиб ўтишига нима сабаб бўлгани билан қизиқди.

"Тўғрисини айтсам, аввало, 30 ёшга кирганимни таъкидлаб ўтишим жоиз. Энди фақат футбол эмас, фаолиятим якуни ва молиявий томонни инобатга олишим керак. 

БАА ва Қатардан аниқ таклифлар бор эди. Мени ўйлантирган нарса олдимиздаги Жаҳон чемпионати бўлди. Ўйлашимча, айнан Туркия чемпионати ўртамиёна даражада. БААдан кучлироқ, Италиядан сал орқада. 

Бундан ташқари, "Истанбул Башакшеҳир" Конференциялар Лигасида қатнашишини инобатга олдим. Туркиянинг каттароқ жамоаларидан ҳам таклифлар бор эди, бироқ "Истанбул Башакшеҳир" ёш клуб эканлиги ва инфраструктурасидан келиб чиқиб шу жамоани танладим. Бу ерда бошқа жамоаларга қараганда босим камроқ ва менда аниқ етарлича ўйин амалиёти бўлади. Худо хоҳласа, жароҳатларсиз ўйнаб турсак, бу Жаҳон чемпионати учун яхши тайёргарлик вазифасини ўтаб беради. Ҳар тарафлама қулай келишувга эришдик", – деди Шомуродов.

"90minutuz" подкасти тўлиқ ҳолда: