Чичарито ўзи тарбияланган Мексиканинг "Чивас Гвадалахара" клубига ўтади. Бу ҳақда инсайдер Николо Скира хабар бермоқда.
35 ёшли ҳужумчи январь ойида "Лос-Анжелес Гэлакси"ни тарк этгач, эркин агентга айланди. Кўп ўтмай, "Чивас" ўз тарбияланувчисига шартнома таклиф қилди. Манбага кўра, томонлар келишувга эришган.
Чичарито "Чивас"ни 2010 йилда тарк этган. Мексикалик футболчи ўшанда 7,5 миллион евро эвазига "Манчестер Юнайтед"га ўтган эди.
