Бадиашиле бу жароҳатни ўтган ҳафта "Челси"нинг Англия Кубоги 4-босқичи доирасидаги "Астон Вилла"га қарши жавоб ўйинида (1:3) олганди.
АПЛ доирасидаги "Кристал Пэлас"га қарши дерби 22 ёшли франциялик футболчи ўтказиб юборадиган биринчи ўйин бўлади, деб хабар берди "Evening Standard".
Бадиашиленинг тикланиши 1 ой давом этиши кутилмоқда. Бу Бенуага 25 февраль куни бўлиб ўтадиган Лига Кубоги финалида "Ливерпул"га қарши ўйнаш имкониятини қолдирмайди.
"Кўклар"нинг бахтига Леви Колуилл сафга қайтмоқда ва Трево Чалоба ҳам машғулотларга киришган.
