“Байер” сафида Патрик Шик 43-дақиқада пенальтидан ҳисобни очди. 52-дақиқада ҳужумчи ўйиндан ҳам тўп киритиб, жамоасининг устунлигини яна биттага оширди. “Кёльн”дан эса ҳужумчи Лука Вальдшмидт 77-дақиқада ҳисобни қисқартирди.
“Байер” Бундеслигада 31 ўйиндан сўнг 55 очко билан олтинчи, “Кёльн” эса 31 очко билан ўн учинчи ўринда бормоқда.
“Майнц” биринчи бўлимдаёқ мюнхенликлар дарвозасига учта гол урди. Доминик Кор (15-дақиқа), Пауль Небел (29) ва Шералдо Бекер (45+2) голларга муаллифлик қилди. Иккинчи бўлимда мюнхенликлар тўртта гол уриб, супер камбэк қайд этишди. Голларни Николас Жексон (53), Майкл Олисе (73), Жамал Мусиала (80) ва Харри Кейн (83) урди.
Аллақачон чемпионликни расмийлаштирган “Бавария” Бундеслигада 31 ўйиндан сўнг 82 очко билан биринчи ўринда бормоқда, “Майнц” эса 34 очко билан ўнинчи ўринга жойлашган.
