Бугунги гол Левандовски учун юбилей натижалар ва шахсий рекордни келтирди
06 июн 2020 21:08
Янгиликлар

Бугунги гол Левандовски учун юбилей натижалар ва шахсий рекордни келтирди

Бироз олдин, Германия чемпионати 30-тури доирасида “Бавария” сафарда “Байер”га қарши тўқнаш келиб, 4:2 ҳисобида зафар қучди.

Баҳснинг 66-дақиқасида Томас Мюллернинг қанот узатмасидан кейин Роберт Левандовски тўпга боши билан ажойиб тарзда зарба берган ҳолда рақиб дарвозасини ишғол этди. Мазкур аниқ зарба Левандовскининг юқори лигалардаги юбилей 300-голи сифатида ёзилди.

2006—2008 "Знич" (Польша) 36 гол
2008—2010 "Лех" (Польша) 32
2010—2014 Боруссия (Дортмунд) 74
2014—ҳ.в. Бавария 158

Шунингдек, Роберт профессионал фаолиятидаги 400-тўпини киритишга ҳам эришди. У буни 581-учрашувида қайд этди.

Левандовски Бундеслига жорий мавсумидаги голлари сонини 30тага етказиб, мусобақадаги тўпурарлигини мустаҳкамлади. Бу эса уни “Олтин бутса” учун янада яқинлаштирмоқда.

Қайд этиш жоиз, “Лева” мавсум давомида урган голлар (44та) бўйича ҳам ўз шахсий рекордини янгилади.

Ҳавола :

Манба : Championat.asia

Янгиликларни Телеграмда ўқинг!

Рейтинг: +4