Гвардиола "Челси" билан ўйинда икки ҳимоячисидан айрилди
05 янв 17:07
Янгиликлар

Гвардиола "Челси" билан ўйинда икки ҳимоячисидан айрилди

"Манчестер Сити" бош мураббийи Пеп Гвардиола BBC Radio 5 Live эфирида "Челси"га қарши дуранг (1:1) ҳақида фикр билдирди.

Очколар йўқотилганига қарамай, мураббий ўйин сифатида қониққанини айтди, бироқ жароҳатланганлар бўйича хавотирли хабарларни маълум қилди.

"Бор нарса — шу. Биз топ-жамоага қарши ажойиб ўйин кўрсатдик, афсуски, барча очколарни қўлга кирита олмадик".

Учрашув икки асосий ҳимоячи — Рубен Диаш ва Йошко Гвардиолнинг жароҳатлари билан ёдда қолди. Гвардиоланинг тахминлари эса салбий кўринишда:

"Кўринишига қараганда, уларнинг аҳволи яхши эмас, эртага кўрамиз. Менимча, улар бир неча ҳафтага сафдан чиқди".

Эслатиб ўтамиз, кеча "Челси" билан ўйиннинг 51-дақиқасида жароҳатланган Йошко Гвардиол ўрнига ўзбекистонлик ҳимоячи Абдуқодир Ҳусанов майдонга тушган ва муносиб ўйин намойиш этган эди.

Ҳавола :

Манба : BBC Radio 5

Янгиликларни Телеграмда ўқинг!

Рейтинг: +8