Бруну Фернандеш: "Бу қизил карточка эмас"
29 сен 2024 23:39
Янгиликлар

Бруну Фернандеш: "Бу қизил карточка эмас"

"Манчестер Юнайтед" сардори Бруну Фернандеш "Тоттенхэм" (0:3)дан учралган мағлубият ва ўзига қизил карточка кўрсатилгани ҳақида гапирди.

Португалиялик ярим ҳимоячи ўйиннинг 42-дақиқасида четлаштирилди. "Шпорлар" ўша пайтда минимал ҳисобда олдинга бораётганди.

"Бу интервьюни беришни хоҳлаётгандим, сабаби қизил карточка олганим жамоага панд берди. Жамоа характер, чидамлилик ва матонат кўрсатди. Бу қийин эди, аммо улар ҳаракат қилишди.

Бу ҳеч қанақасига қизил карточка деб ҳисобламайман. Бу қоида бузилиши, аммо четлатиш эмас. Ҳакам менга оёғимнинг тишларини илиб олганимни айтди, аммо бу нотўғри. Агар ҳакам қарши ҳужум бузилгани сабаб сариқ кўрсатмоқчи бўлганида, бунга сўзсиз рози бўлардим. Аммо, бундан ортиқ эмас", – деди Фернандеш.